ZORAM TODAY| 27th August, 2024 (Tue): Bairabi - Zamuang inkar kawnga R.Teirei Lei (Bridge) chu tunhnai ruahsur nasa avangin August ni 24, 2024 khan a innghahna (abutment) a min a. Hemi avang hian Lirthei HMV te tan he lei (Bridge) zawh hi a him tawklo nia hriat anih avangin he lei siam that hun chhung atan load restriction  siam a tula hriat a ni a.    

Chuvangin, Lalthangpuii Pulamte, MPS, Superintendent of Police, Mamit District, Mizoram chuan Motor Vehicles Act, 1988(Act 59 of 1988) Section 115 leh Mizoram Sawrkar Notification No. B.12021/10/2004-TRP Dt.01.06.2020 in thuneihna a pek angin khapna thupek a chhuah a ni. 

Lirthei khalhtute leh passenger te tana himna tura thupek hi zawm theuh turin mipuite kan in ngenin kan in hriattir a. He thupek bawhchhia chu U/s 179 MV Act hmanga hrem an ni ang.